Recently Finished
Live Cricket
Upcoming Matches
View All Matches

انگلینڈ کی تاریخ کے کامیاب ترین اوپنرز میں سے ایک مارکس ٹریسکوتھک ایشیز سیریز کے دو ٹیسٹ میچوں کے لیے انگلش ٹیم کے کوچنگ پینل میں شامل ہوں گے۔ گراہم تھورپ انگلینڈ کے بیٹنگ کوچ ہیں تاہم ان پر سے دباؤ کم کرنے کے لیے مارک رمپرکاش کو رکھا گیا تھا۔ مارک رمپرکاش نے دو ماہ پہلے کوچنگ چھوڑدی تھی اور اب انگلینڈ کو نئے بیٹنگ کوچ کی تلاش ہے۔
مارکس ٹریسکوتھک دو ٹیسٹ میچوں کے لیے انگلش بیٹسمینوں کے ساتھ کام کریں گے۔ مارکس ٹریسکوتھک نے حال ہی میں بحیثیت کھلاڑی تمام طرز کی کرکٹ سے ریٹائرمنٹ کا اعلان کیا ہے اور رواں سیزن کے بعد وہ ایکشن میں نظر نہیں آئیں گے۔ آئرلینڈ کے خلاف ٹیسٹ میچ سے پہلے سابق کرکٹر جوناتھن ٹراٹ بھی انگلش ٹیم کے ساتھ کام کر چکے ہیں۔