Recently Finished
Live Cricket
Upcoming Matches
View All Matches

پاکستان کرکٹ کے نئے ڈومیسٹک اسٹرکچر کی منظوری پیٹرن ان چیف وزیراعظم عمران خان نے دے دی ہے جس کے مطابق چھ صوبائی ایسوسی ایشنز کی ٹیمیں فرسٹ کلاس کرکٹ کھیلنے کی اہل ہوں گی جبکہ ڈیپارٹمنٹس کا فرسٹ کلاس کرکٹ سے کردار ختم ہو جائے گا۔
نئے ڈومیسٹک کرکٹ اسٹرکچر کے لیے پی سی بی کے آئین میں ترمیم کی ضرورت ہے جس کیلئے پی سی بی کے قانونی شعبے نے نیا آئین حکومت کو بھجوا دیا ہے۔
ذرائع کے مطابق نئے ڈومیسٹک اسٹرکچر کو لاگو کرنے کے لیے تمام ضروری امور طے کر لیے گئے ہیں اور اب نئے آئین کی منظوری کا انتظار ہے۔
امید ظاہر کی جا رہی ہے کہ وزیراعظم کابینہ کے اجلاس میں نئے آئین کی منظوری دے دیں گے جس کے بعد نیا ڈومیسٹک کرکٹ اسٹرکچر پر بلا روک ٹوک عملدرآمد ہو سکے گا۔