Recently Finished
Live Cricket
Upcoming Matches
No live scores available
View All Matches

پانچ اگست سے انگلینڈ میں ڈس ایبلڈ کرکٹ ٹیموں کی ورلڈ سیریز کا آغاز ہونے جا رہا ہے جس میں پاکستان سمیت پانچ مختلف ملکوں کی ٹیمیں مدمقابل ہوں گی۔ پاکستان ڈس ایبلڈ ٹیم سے سابق وکٹ کیپر بیٹسمین راشد لطیف کو بہت امیدیں وابستہ ہیں۔
راشد لطیف کا کہنا ہے کہ قومی ٹیم کے کھلاڑیوں میں کرکٹ کھیلنے کا بھرپور جذبہ ہے اور مجھے یقین ہے کہ قومی ڈس ایبلڈ ٹیم انگلینڈ میں ہونے والی ورلڈ سیریز میں کامیابی حاصل کرے گی۔
انھوں نے کہا کہ کھلاڑیوں نے اس سیریز کیلئے بہت محنت کی ہے اور اس ٹیم میں کسی بھی ٹیم کو شکست دینے کی صلاحیت موجود ہے۔
راشد لطیف نے اپنی اکیڈمی کے کوچنگ اسٹاف اور تمام لوگوں کا شکریہ بھی ادا کیا جو گزشتہ کچھ ماہ سے قومی ڈس ایبلڈ ٹیم کو ورلڈ سیریز کی تیاریاں کروانے میں مصروف تھے۔
پاکستان ٹیم ورلڈ سیریز کا اپنا پہلا میچ انگلینڈ کیخلاف کھیلے گی جبکہ پاکستان اور بھارت کی ٹیموں کے درمیان میچ 9 اگست کو کھیلا جائے گا۔