Recently Finished
Live Cricket
Upcoming Matches
View All Matches

کرکٹ آسٹریلیا نے بگ بیش لیگ کے اگلے ایڈیشن کے شیڈول کا اعلان کر دیا جس میں ایک بڑی تبدیلی کی گئی ہے۔ دنیا بھر کی زیادہ تر ٹی ٹوئنٹی لیگز میں چار ٹیمیں پلے آف مرحلے کے لیے کوالیفائی کر کے فائنل میں جانے کی راہ ہموار کرتی ہیں مگر بگ بیش لیگ کے آئندہ سیزن میں یہ موقع 5 ٹیموں کو ملے گا۔
سب سے پہلے ایلیمینیٹر میچ ہو گا جس میں چوتھی اور پانچویں نمبر کی ٹیم حصہ لیں گی جبکہ ہارنے والی ٹیم ایونٹ سے باہر ہو جائے گی۔
دوسرا میچ کوالیفایئر ہو گا جس میں پہلے اور دوسرے نمبر کی ٹیمیں ٹکرائیں گی، جیتنے والی ٹیم فائنل میں اور ہارنے والی ٹیم کو ایک اور موقع ملے گا۔
تیسرا ناک آوٹ میچ ہو گا جس میں ایلیمینیٹر کی فاتح اور تیسرے نمبر کی ٹیم مدمقابل ہو گی۔ چوتھا میچ چیلینجر ہو گا جس میں کوالیفائیر کی شکست خوردہ اور ناک آؤٹ جیتنے والی ٹیمیں میدان میں اتریں گی۔
ایونٹ کا فائنل 8 فروری کو کھیلا جائے گا جس میں کوالیفائیر اور چیلنجر میچ کی فاتح ٹیمیں ٹکرائیں گی۔ بگ بیش لیگ کا آغاز 17 دسمبر سے ہو گا۔