Recently Finished
Live Cricket
Upcoming Matches
View All Matches

پاکستان کے فاسٹ بولر محمد عامر نے ٹیسٹ کرکٹ سے ریٹائرمنٹ لی تو یہ خبریں یہ سامنے آئیں کہ محمد عامر برطانوی شہریت حاصل کرنے کی کوششیں کر رہے ہیں اور شاید وہ انگلینڈ کی طرف سے کھیلنے کے خواہشمند بھی ہیں۔
پاکستانی میڈیا میں رپورٹ ہونے والی ان خبروں پر عامر کی اہلیہ نرجس نے ردعمل دیتے ہوئے کہا ہے کہ ہمیں اپنے فیصلے پر وضاحت دینے کی ضرورت نہیں لیکن جن لوگوں نے ہمیں سپورٹ کیا ان کو بتانا چاہتی ہوں کہ عامر کو انگلینڈ یا کسی اور ملک کی طرف سے کھیلنے کی ضرورت نہیں ہے کیونکہ انھیں پاکستانی ہونے پر فخر ہے۔
انھوں نے کہا کہ صرف عامر ہی نہیں بلکہ اگر ہماری بیٹی مِنسا بھی کرکٹ کھیلنا چاہے گی تو وہ بھی اپنے باپ کی طرح پاکستان کی نمائندگی کرے گی کیونکہ یہ عامر کی خواہش ہے۔ نرجس عامر نے مزید کہا کہ عامر ٹیسٹ کرکٹ سے اس لیے ریٹائر ہوئے ہیں تاکہ وہ ون ڈے اور ٹی ٹوئنٹی کرکٹ میں اپنے ملک کی زیادہ خدمت کر سکیں۔