Recently Finished
Live Cricket
Upcoming Matches
No live scores available
View All Matches

آسٹریلوی ٹیم نے ایجبیسٹن کے میدان پر انگلینڈ کو 18 سال بعد شکست دے کر ایشیز سیریز کا فاتحانہ آغاز کیا ہے مگر اسی کے ساتھ کپتان ٹم پین نے میزبان ٹیم کو خبردار کرتے ہوئے کہا کہ ہماری ٹیم صرف ایک ٹیسٹ میچ میں کامیابی سے زیادہ خوش نہیں ہے۔ ٹم پین نے کہا کہ ہم انگلینڈ میں ایجبیسٹن ٹیسٹ جیتنے نہیں بلکہ ایشیز سیریز میں کامیابی حاصل کرنے آئیں ہیں۔
آسٹریلوی کپتان کا کہنا ہے کہ ان کی ٹیم پہلے ٹیسٹ میں فتح سے خوش ہے کیونکہ آسٹریلوی ٹیم کو اس سے بہتر آغاز نہیں مل سکتا تھا۔ انھوں نے کہا کہ ابھی چار ٹیسٹ میچ مزید باقی ہیں اور پوری ٹیم کا فوکس اگلے میچ پر ہے۔
آسٹریلوی ٹیم نے 2001 کے بعد سے اب تک انگلش سرزمین پر ایشیز سیریز میں کامیابی حاصل نہیں کی لیکن ٹم پین پرعزم ہیں کہ آسٹریلیا اس مرتبہ انگلینڈ میں ایشیز سیریز جیتنے میں کامیاب ہو جائے گا۔
#Australia in England 2019#Australia#England