Recently Finished
Live Cricket
Upcoming Matches
View All Matches

پاکستان کرکٹ بورڈ فرسٹ کلاس میچز ڈے اینڈ نائٹ کرانے پر غور کر رہا ہے تا کہ کھلاڑیوں کو ڈے اینڈ نائٹ ٹیسٹ سے بھی ہم آہنگ کیا جا سکے۔ ذرائع کے مطابق پی سی بی ڈومیسٹک سیزن 20-2019 میں چار روزہ ڈے اینڈ نائٹ میچز کا انعقاد بھی کرا سکتا ہے جس میں گلابی گیند کا استعمال ہو گا۔
امکان ہے کہ‏ قائد اعظم ٹرافی کے دو سے تین میچز گلابی گیند کے ساتھ کھیلے جائیں گے۔ قائداعظم ٹرافی 2016 میں کراچی بلیوز اور یو بی ایل کے درمیان نیشنل اسٹیڈیم کراچی میں ڈے اینڈ نائٹ میچ کھیلا گیا تھا۔
آسٹریلیا کے دورے میں ایک ڈے اینڈ نائٹ ٹیسٹ میچ شامل ہے جو 29 نومبر سے ایڈیلیڈ میں کھیلا جائے گا۔ سیریز کا پہلا ٹیسٹ 21 نومبر سے برسبین میں شروع ہو گا۔ پاکستانی ٹیسٹ ٹیم کو تین ہفتے قبل پرتھ بھیجنے کی تجویز بھی زیرغور ہے۔
#Pakistan