Recently Finished
Live Cricket
Upcoming Matches
View All Matches

ویسٹ انڈیز اور بھارت کے مابین کھیلے جانے والے دوسرے ٹیسٹ میچ کے لیے ویسٹ انڈیز نے اپنے 13 رکنی اسکواڈ کا اعلان کر دیا ہے۔ ویسٹ انڈین ٹیم کی قیادت جیسن ہولڈر ہی کریں گے، انجری سے صحتیاب ہونے والے آل راؤنڈر کیمو پال کی ٹیم میں واپسی ہوئی ہے۔ کیمو پال کو فاسٹ بولر میگیول کمنز کی جگہ ٹیم میں شامل کیا گیا ہے۔
ویسٹ انڈیز اسکواڈ: جیسن ہولڈر (کپتان)، کریگ بریتھویٹ، ڈیرن براوو، شمارہ بروکس، جان کیمپبیل، روسٹن چیز، راہقیم کارن وال، جاہمار ہملٹن، شینن گیبریل، شمرون ہٹمائر، شائے ہوپ، کیمو پال اور کیمار روچ۔
ویسٹ انڈیز اور بھارت کے مابین دوسرا ٹیسٹ میچ جمیکا میں 30 اگست سے شروع ہو گا۔ بھارتی ٹیم پہلا ٹیسٹ جیت کر ٹیسٹ چیمپئن شپ میں 60 پوائنٹس حاصل کر چکی ہے۔