Recently Finished
Live Cricket
Upcoming Matches
No live scores available
View All Matches

کرکٹ کے حلقوں میں ٹیسٹ ٹیم کی کپتانی کے لیے شان مسعود اور اسد شفیق کے علاوہ اظہر علی کا نام بھی زیرگردش ہے مگر میڈیا سے گفتگو کرتے ہوئے اظہر علی نے تمام خبروں کو افواہ قرار دے دیا۔ اظہر علی نے کہا کہ پی سی بی نے اس حوالے سے مجھ سے کوئی رابطہ نہیں کیا، یہ سب صرف افواہیں ہیں۔
اظہر علی نے ٹیسٹ میچوں میں کھلاڑیوں کی کارکردگی بہتر بنانے کے لیے آسٹریلیا اور انگلینڈ کے زیادہ دورے کرنے کا مشورہ دیا۔ ہیڈکوچ سے متعلق سوال پر انھوں نے کہا کہ مصباح الحق کے ساتھ بہت کرکٹ کھیلی اور سیکھی ہے، بورڈ جو فیصلہ کرے گا بہتر ہو گا۔
اظہر علی کا مزید کہنا تھا کہ پری سیزن کیمپ میں تمام کھلاڑیوں کے پاس اپنی صلاحیتوں کو نکھارنے کا بہترین موقع ہے، میں بھی کوشش کر رہا ہوں کہ یونس خان اور مصباح الحق کے جانے کے بعد جو خلا پیدا ہوا اسے پورا کروں۔