Recently Finished
Live Cricket
Upcoming Matches
No live scores available
View All Matches

بھارتی ٹیم کے آل راؤنڈر روندر جدیجا اور بھارتی خواتین کرکٹ ٹیم کی اسپنر پونم یادیو کو اسپورٹس میں ان کی کامیابیوں پر بھارتی حکومت کی جانب سے ارجنا ایوارڈ سے نوازا گیا ہے۔ روندر جدیجا اس وقت دورہ ویسٹ انڈیز پر بھارتی ٹیم کے ساتھ موجود ہیں جس وجہ سے وہ ایوارڈز تقریب میں شرکت نہیں کر سکے۔
رواں سال اپریل میں بھارتی حکومت کی جانب سے 19 ایتھلیٹ کو اس ایوارڈ کیلئے شارٹ لسٹ کیا گیا تھا جس میں صرف چار ہی کرکٹر شامل تھے۔ روندر جدیجا اور پونم یادیو کے علاوہ جسپریت بمراہ اور محمد شامی کو ارجنا ایوارڈ کیلئے شارٹ لسٹ کیا گیا تھا۔
روندر جدیجا نے بھارتی حکومت کا شکریہ ادا کرتے ہوئے کہا کہ ارجنا ایوارڈ حاصل کرنا میرے لیے بہت اعزاز کی بات ہے۔ روندر جدیجا نے پونم یایدو اور ایوارڈ حاصل کرنے والے دوسرے ایتھلیٹس کو مبارکباد دی تھی۔