Recently Finished
Live Cricket
Upcoming Matches
View All Matches

مصباح الحق کو ہیڈکوچ اور وقار یونس کو بولنگ کوچ مقرر کرنے سے پہلے ہی یہ باتیں کی گئیں کہ سینیئر وقار یونس جونیئر مصباح الحق کے ماتحت کیسے کام کریں گے مگر اب مصباح الحق نے تمام کنفیوژن دور کر دی۔ اپنی پریس کانفرنس میں مصباح الحق نے کہا کہ وقار یونس سے کوچز کی تقرری سے پہلے اس بارے میں بات چیت ہو چکی ہے، ہم دونوں ایک دوسرے کو بہت اچھی طرح جانتے ہیں اور امید ہے ایسا کوئی مسئلہ نہیں ہو گا۔
انھوں نے کہا کہ وقار یونس کے ساتھ قومی ٹیم اور پاکستان سپر لیگ میں کام کر چکا ہوں، وہ ایک انتہائی پروفیشنل انسان ہیں اور کسی کے کام میں مداخلت نہیں کرتے، ہم دونوں کا بھی یہی عزم ہے کہ ایک دوسرے کے کام میں مداخلت نہیں کریں گے بلکہ ٹیم کی بہتری کے لیے جو ہو گا وہی کریں گے۔ ان کا کہنا تھا کہ وقار یونس بولنگ کوچ کے لیے بہترین چوائس تھے اور ہیں۔