Recently Finished
Live Cricket
Upcoming Matches
No live scores available
View All Matches

سابق ہیڈکوچ مکی آرتھر کی کرسی کو سب سے زیادہ خطرہ مصباح الحق سے ہی تھا کیونکہ انہیں ہی ہیڈکوچ کے لیے فیورٹ قرار دیا جا رہا تھا۔ سابق کرکٹر راشد لطیف نے انکشاف کیا ہے کہ مصباح الحق کو ہیڈکوچ بنانے میں مکی آرتھر کی رائے اور تجویز بھی شامل تھی۔
سابق کپتان راشد لطیف کا کہنا تھا کہ مکی آرتھر کا تصور تھا کہ سلیکشن کے معاملات بھی ہیڈکوچ کو ہی دیکھنے چاہیئں لیکن اس وقت انضمام الحق کو برقرار رکھا گیا۔
ایک ٹی پروگرام میں گفتگو کرتے ہوئے راشد لطیف نے کہا کہ کراچی کنگز میں مکی آرتھر کیساتھ کام کرنے کا موقع ملا ہے، جانتا ہوں کہ وہ اس تصور کے حامی اور بات بھی کرتے تھے کہ ہیڈکوچ کو ہی سلیکشن کا اختیار ملنے سے مسائل میں کمی ہو سکتی ہے۔
انہوں نے کہا کہ مصباح الحق کے کندھوں پر اب دہری اور بھاری ذمہ داری ہے، ان کو ٹیلنٹ کی تلاش کے ساتھ تینوں فارمیٹس میں قومی ٹیم کیلئے موزوں کھلاڑیوں کا انتخاب بھی کرنا ہو گا۔