Recently Finished
Live Cricket
Upcoming Matches
View All Matches

گزشتہ سال ہونے والے بال ٹیمپرنگ تنازع کے بعد اسٹیو اسمتھ کو ایک سال کی سزا دینے والی کمیٹی کے رکن سابق آسٹریلوی کپتان مارک ٹیلر کا کہنا ہے کہ اسٹیو اسمتھ دوبارہ کپتان بنیں گے۔ مارک ٹیلر نے اپنے ایک کالم میں لکھا کہ جس طرح اسمتھ ذمہ داری کے ساتھ شاندار پرفارمنس کا مظاہرہ کر رہے ہیں، امید ہے کہ وہ دوبارہ آسٹریلوی ٹیم کے کپتان بن جائیں گے۔
کیپ ٹاؤن ٹیسٹ میں بال ٹیمپرنگ پر اسٹیو اسمتھ کو ایک سال کی پابندی کے ساتھ ایک برس کپتانی نہ دینے کی سزا دی گئی تھی۔ مارک ٹیلر کا کہنا ہے کہ اسٹیو اسمتھ نے بہت سخت سبق سیکھا ہے، وہ یکم اپریل سے کپتانی کے اہل ہوں گے۔
سابق کپتان نے کہا کہ انہیں فوری طور پر کپتان نہیں بنانا چاہیے لیکن جب ٹم پین کی کپتانی ختم ہو جائے تو اسمتھ کو ہی ذمہ داری دی جائے کیونکہ اس میں کوئی شک نہیں کہ اسمتھ اب پہلے سے بہتر کپتان ہوں گے۔
#Australia