Recently Finished
Live Cricket
Upcoming Matches
No live scores available
View All Matches

وقار یونس ہیڈکوچ کے عہدے پر تعینات تھے تو وہ عمر اکمل اور احمد شہزاد سے سخت ناراض تھے اور انہوں نے اپنی رپورٹ میں دونوں کھلاڑیوں کو پھر سے ڈومیسٹک کرکٹ میں بھیجنے کی سفارش کی تھی۔ بولنگ کوچ بننے کے بعد وقار یونس نے عمر اکمل اور احمد شہزاد کو ٹیم سے دور رکھنے کی سفارش کی خبر کو مسترد کر دیا۔
لاہور میں میڈیا سے گفتگو کرتے ہوئے انہوں نے کہا کہ میں نے کبھی نہیں کہا کہ عمر اکمل اور احمد شہزاد کو ٹیم سے ڈراپ کر دیا جائے، اس کی تصحیح کر لیں۔ وقار یونس نے کہا کہ انہوں نے بورڈ سے سفارش کی تھی کہ دونوں کھلاڑیوں کو ڈومیسٹک میں بھیج کر ان کی تکنیک پر کام کیا جائے۔
واضح رہے کہ مصباح الحق نے ہیڈکوچ بننے کے بعد دونوں کھلاڑیوں کے فٹنس ٹیسٹ لیے تھے اور اس کے بعد یہ باتیں کی گئیں کہ وقار یونس کی موجودگی میں دونوں کھلاڑیوں کی ٹیم میں موجودگی دلچسپ ہو گی۔