Recently Finished
Live Cricket
Upcoming Matches
View All Matches

بھارتی ٹیم کے سابق کپتان سنیل گواسکر نے مہندر سنگھ دھونی کو باعزت انداز میں کرکٹ سے ریٹائر ہونے کا مشورہ دے دیا۔ ایم ایس دھونی کو ورلڈکپ کے بعد سے بھارتی ٹیم سے دور رکھا جا رہا ہے لیکن وہ اس کے باوجود ریٹائرمنٹ کا اعلان نہیں کر رہے۔
میڈیا نمائندوں نے سنیل گواسکر سے سوال کیا کہ کیا دورہ بنگلہ دیش کے لیے دھونی کو منتخب کیا جانا چاہیے؟ جس کے جواب میں گواسکر نے کہا کہ نہیں! اب ہمیں آگے کی طرف دیکھنا چاہیے، کم از کم میری نظر میں تو دھونی کی ٹیم میں جگہ نہیں ہے۔
سنیل گواسکر نے کہا کہ دھونی نے بھارتی ٹیم کے لیے بہت خدمات انجام دیں مگر اب وقت آ گیا ہے کہ انہیں باعزت ریٹائرمنٹ لے لینی چاہیے کیونکہ بھارتی ٹیم کو ریشب پانٹ اور سنجو سیمسن کی صورت میں اچھے متبادل مل چکے ہیں۔