Recently Finished
Live Cricket
Upcoming Matches
No live scores available
View All Matches

قائد اعظم ٹرافی کے سیکنڈ الیون ٹورنامنٹ کے میچ میں بلوچستان کرکٹ ٹیم کے بیٹسمین اویس ضیاء کو نازیبا زبان استعمال کرنے پر میچ فیس کا 50 فیصد جرمانہ عائد کیا گیا ہے۔
تفصیلات کے مطابق اویس ضیاء کو بہالپور اسٹیڈیم میں سدرن پنجاب کے خلاف میچ میں کھلاڑی کے خلاف نازیبا زبان کے استعمال کے باعث لیول ٹو جرم کا مرتکب پایا گیا ہے۔
ٹورنامنٹ کے دوسرے راؤنڈ کے پہلے روز اویس ضیاء جب رن آؤٹ ہوئے تو ڈریسنگ روم کی طرف جاتے ہوئے انہوں نے کریز پر موجود اپنے ساتھی کھلاڑی شہزاد ترین کے لیے نامناسب زبان کا استعمال کیا۔
آن فیلڈ امپائرز امتیاز اقبال اور عبدالمقیت نے اویس ضیاء کو پی سی بی کے ضابطہ اخلاق کے آرٹیکل 2.13 کی خلاف ورزی کرنے پر چارج کیا۔ قائد اعظم ٹرافی میں میچ فیس کا جرمانہ بھگتنے والے اویس ضیاء اب تک تیسرے کرکٹر ہیں۔