Recently Finished
Live Cricket
Upcoming Matches
No live scores available
View All Matches

پاکستان کرکٹ بورڈ کے چیف ایگزیکٹو آفیسر وسیم خان نے سری لنکا کے بعد بنگلہ دیش کی ٹیم کو پاکستان لانے کا ہدف بنا لیا ہے۔ اپنے ایک ٹی وی انٹرویو میں وسیم خان نے کہا کہ سری لنکن ٹیم باہمی سیریز کے لیے پاکستان آ رہی ہے، ہم نے ان کو پاکستان آنے کے کوئی اضافی پیسے نہیں دیے اور اب ہمارا اگلا ہدف بنگلہ دیش ٹیم کو پاکستان لانا ہے۔
وسیم خان نے کہا کہ اب تمام ہوم سیریز پاکستان میں کھیلنا چاہتے ہیں یو اے ای میں نہیں کیونکہ ملک میں انٹرنیشنل کرکٹ کی بحالی ہدف ہے۔ کپتان کے حوالے سے انہوں نے کہا کہ سرفراز کو اس وقت پی سی بی کی مکمل حمایت حاصل ہے لیکن مستقبل کے فیصلے ہیڈکوچ و چیف سلیکٹر مصباح الحق کریں گے۔ وسیم خان نے واضح کیا کہ سرفراز احمد اب بھی ٹیسٹ کے کپتان ہیں۔