Recently Finished
Live Cricket
Upcoming Matches
No live scores available
View All Matches

پاکستان اور سری لنکا کے درمیان پہلے ون ڈے میچ کی پری کانفرنس کے دوران سرفراز احمد سے سوال ہوا تھا کہ تین دن بارش کی وجہ سے گراؤنڈ کافی گیلا لگ رہا ہے اور پچ کے بارے میں آپ کا کیا خیال ہے؟ قومی ٹیم کے کپتان نے جواب دیا کہ جہاں تک پچ کی بات ہے تو وہ ہم نے ابھی دیکھی نہیں ہے لیکن مجھے پتا ہے نیشنل اسٹیڈیم میں کس طرح کی پچز بنتی ہیں۔
سرفراز احمد نے کہا کہ جہاں تک بارش کی بات ہے تو جب بارش ہوتی ہے تو پانی آتا ہے۔ ان کی اس بات پر پریس کانفرنس میں بیٹھے ہوئے تمام صحافیوں نے قہقہلے لگانا شروع کر دیے اور سرفراز احمد خود بھی مسکرائے بغیر نہ رہ سکے۔
یاد رہے کہ پاکستان کی سیاسی جماعت پیپلز پارٹی کے شریک چیئرمین بلاول بھٹو زرداری نے کراچی میں ہونے والی بارشوں پر تبصرہ کرتے ہوئے کہا تھا کہ جب بارش ہوتی ہے تو پانی آتا ہے اور جب زیادہ بارش ہوتی ہے تو زیادہ پانی آتا ہے جس وجہ سے ان کا سوشل میڈیا پر خوب مذاق اڑایا گیا تھا۔