Recently Finished
Live Cricket
Upcoming Matches
No live scores available
View All Matches

بھارتی اسپنرز کلدیپ یادیو اور یزوندر چہال کو ورلڈکپ اور ویسٹ انڈیز کے خلاف بری پرفارمنس کے باعث آرام کی غرض سے ساؤتھ افریقہ کے خلاف ٹی ٹوئنٹی سیریز میں شامل نہیں کیا گیا تھا مگر سابق بھارتی کپتان سورو گنگولی نے بھارتی سلیکشن کمیٹی کے فیصلے سے اختلاف کیا ہے۔
سورو گنگولی نے میڈیا سے گفتگو کرتے ہوئے کہا کہ امید ہے کلدیپ یادیو اور یزوندر چہال کی ٹیم میں عدم شمولیت وقتی ہے کیونکہ بھارتی ٹیم کے لیے بہت ضروری ہے کہ دونوں اسپنرز ٹی ٹوئنٹی ورلڈکپ 2020 میں حصہ لیں۔
سابق بھارتی کپتان نے ویرات کوہلی کو تجویز دیتے ہوئے کہا کہ یہ ٹیم اچھی ضرور ہے مگر کوہلی کو چہال اور کلدیپ کو ٹیم میں شامل کرنا چاہیے۔
سورو گنگولی نے مزید کہا کہ سب جانتے ہیں ماضی قریب میں دونوں بولرز کی پرفارمنس اچھی نہیں رہی مگر یہ کھیل میں ہوتا رہتا ہے۔
ان کا کہنا تھا کہ ٹی ٹوئنٹی ورلڈکپ میں بحیثیت بیٹسمین ویرات کوہلی کا کردار بہت اہم ہو گا۔