Recently Finished
Live Cricket
Upcoming Matches
View All Matches

پاکستان کرکٹ ٹیم کو اگلے سال انگلینڈ کا دورہ کرنا ہے لیکن اس سے قبل قومی ٹیم نیدرلینڈز اور اسکاٹ لینڈ کے خلاف بھی سیریز کھیلے گی۔ ذرائع کے مطابق ان دو سیریز کے حوالے سے معاملات طے پا چکے ہیں جس کا حتمی اعلان جلد کر دیا جائے گا۔
پی سی بی ترجمان کے مطابق پاکستان کو آئندہ سال جولائی اور اگست میں انگلینڈ کے خلاف ٹیسٹ اور ٹی ٹوئنٹی سیریز کھیلنی ہے اس لیے نیدرلینڈز اور آئرلینڈ کے خلاف کھیلنے کا مناسب وقت بھی یہی ہے۔
نیدرلینڈز کے خلاف تین ون ڈے میچز کھیلنے کے بعد قومی ٹیم آئرلینڈ کے ساتھ دو ٹی ٹوئنٹی میچز کھیلے گی اور دونوں سیریز جولائی 2020 میں کھیلی جائیں گی۔
اس کے بعد انگلینڈ اور پاکستان کے درمیان پہلا ٹیسٹ 30 جولائی، دوسرا ٹیسٹ 7 اگست اور تیسرا ٹیسٹ 20 اگست سے شروع ہو گا۔ دونوں ٹیموں کے درمیان ٹی ٹوئنٹی میچز 29 اور 31 اگست اور یکم ستمبر کو کھیلے جائیں گے۔