Recently Finished
Live Cricket
Upcoming Matches
No live scores available
View All Matches

بھارتی ٹیم کے کپتان ویرات کوہلی کا شمار تینوں فارمیٹس کے ٹاپ بیٹسمین میں ہوتا ہے لیکن وہ اب بطور کپتان بھی بہت ریکارڈ اپنے نام کر رہے ہیں۔ بھارت نے پہلے ٹیسٹ میچ میں ساؤتھ افریقہ کو باآسانی شکست سے دوچار کیا۔ اس فتح کے ساتھ ویرات کوہلی ٹیسٹ کرکٹ کی تاریخ میں بہترین کپتانوں کی فہرست میں آ گئے۔
ویرات کوہلی کی قیادت میں بھارتی ٹیم نے 29 ٹیسٹ میچوں میں کامیابی حاصل کر لی ہے اور وہ زیادہ ٹیسٹ میچوں میں فتح حاصل کرنے والے دنیا کے چھٹے کپتان بن گئے ہیں۔ 49 ٹیسٹ میچوں میں قیادت کے بعد کوہلی سب سے زیادہ میچز میں اپنی ٹیم کو کامیابی دلانے والے تیسرے کپتان بن گئے ہیں۔
اس فہرست میں صرف رکی پونٹنگ اور اسٹیو وا ان سے زیادہ ٹیسٹ فتوحات کا ریکارڈ رکھتے ہیں۔ اس کے علاوہ ویرات کوہلی ساؤتھ افریقہ کے خلاف ٹیسٹ میچوں میں زیادہ کامیابیاں حاصل کرنے والے بھارتی کپتان بھی بن گئے ہیں۔
#South Africa in India 2019#India#South Africa