Recently Finished
Live Cricket
Upcoming Matches
No live scores available
View All Matches

سری لنکا کے خلاف ٹی ٹوئنٹی سیریز میں شکست کے بعد قومی ٹیم کے ہیڈکوچ اور چیف سلیکٹر مصباح الحق نے پریس کانفرنس میں کہا ہے کہ سری لنکن ٹیم کو ہم کمزور سمجھ رہے تھے لیکن حیرانی ہے کہ جس ٹیم نے گزشتہ چند سال میں بڑی ٹیموں کے خلاف کامیابی حاصل کی اسے اس طرح سے شکست کا سامنا کرنا پڑا۔
مصباح الحق کا کہنا تھا کہ پاکستان نے سیریز میں بہت بری کرکٹ کھیلی۔ مصباح الحق نے قومی ٹیم کی شکست کی ذمہ داری قبول کرتے ہوئے کہا کہ ٹیم کا انتخاب میں نے کیا تھا اور میں شکست کی ذمہ داری قبول کرتا ہوں۔
ہیڈکوچ کا کہنا تھا کہ سری لنکا کے خلاف شکست نے کئی سوال کھڑے کر دیے ہیں اور جلد ہی اس پریشانی کا حل ڈھونڈنا ہو گا۔ انہوں نے کہا کہ ہم سیریز سے قبل بات کر رہے تھے کہ نئے کھلاڑیوں کو موقع دیں لیکن اگر پاکستان کی اے ٹیم ایک ایسی ٹیم سے ہار جاتی ہے جس ٹیم میں اس کے اہم کھلاڑی ہی موجود نہیں تھے تو یہ ہمارے لیے بڑی پریشانی کی بات ہے۔
#Sri Lanka in Pakistan 2019#Pakistan#Sri Lanka