Recently Finished
Live Cricket
Upcoming Matches
No live scores available
View All Matches

پاکستان ٹیم کے بولنگ کوچ وقار یونس نے اپنے فاسٹ بولرز کو مشورہ دیا ہے کہ وہ جتنا آسٹریلیا میں سیکھ سکتے ہیں اتنا کہیں نہیں سیکھ سکتے اسی لیے ہمارے فاسٹ بولرز کو یہ سوچنا چاہیے کہ ہم آسٹریلیا میں صرف کھیلنے نہیں جا رہے بلکہ سیکھنے اور جیتنے بھی جا رہے ہیں۔
وقار یونس نے پاکستان کرکٹ بورڈ (پی سی بی) کو دیے گئے انٹرویو میں کہا کہ آسٹریلیا میں کرکٹ کھیلنے کے بعد ہمیں بولنگ کا آئیڈیا ہوتا ہے اور جب آسٹریلیا کے بعد ہم کسی دوسرے ملک میں کھیلتے ہیں تو کافی چیزیں آسان لگتی ہیں۔
انہوں نے کہا کہ دورہ آسٹریلیا کے لیے ہمارا پلان یہی تھا کہ ہم کچھ نوجوان پلیئرز کو کرکٹ کھیلنے کے علاوہ سیکھا کر بھی لائیں اور اتنے بڑے پلیٹ فارم پر جا کر اگر کوئی نیا کھلاڑی پرفارم کرے گا تو وہ ایک اسٹار بن جاتا ہے۔
وقار یونس نے آسٹریلیا سے جیتنے کا فارمولہ بتاتے ہوئے کہا کہ آسٹریلیا اپنی سرزمین پر اچھا کھیل پیش کرتے ہیں اور جارحانہ کرکٹ کھیلتے ہیں اسی لیے ہمیں بھی جیتنے کے لیے اسی طرز کی کرکٹ کھیلنے ہو گی۔