Recently Finished
Live Cricket
Upcoming Matches
View All Matches

پاکستان کرکٹ بورڈ کی جانب سے ڈیپارٹمنٹل کرکٹ ٹیموں کا خاتمہ کر دیا گیا تھا جس کے بعد بورڈ کو شدید تنقید کا نشانہ بھی بنایا گیا۔ ڈیپارٹمنٹس کے کھلاڑیوں کی مشکلات کو دیکھتے ہوئے سینیئر قومی کرکٹرز ڈیپارٹمنٹل کرکٹ کو بچانے کے لیے میدان میں آ گئے ہیں۔ ذرائع کے مطابق سینیئر پلیئرز ڈیپارٹمنٹل کرکٹ کو بچانے کے لیے اکٹھے ہیں۔
کرکٹرز نے پی سی بی کے اعلیٰ حکام کو اس حوالے سے اپنی تجاویز بھی پہنچا دی ہیں۔ سینیئر کھلاڑیوں کا کہنا ہے کہ ڈیپارٹمنٹل کرکٹ ختم ہونے سے بڑی تعداد میں کرکٹرز بےروزگار ہو رہے ہیں جبکہ نئے ڈومیسٹک کرکٹ اسٹرکچر کے تحت کھلاڑیوں کو روزگار کم ملا۔
سینیئر کھلاڑیوں نے بورڈ کو نئے اسٹرکچر کے ساتھ ڈیپارٹمنٹل کرکٹ جاری رکھنے کا مشورہ دیا دیا جبکہ ڈیپارٹمنٹل ٹی ٹوئنٹی، ڈیپارٹمنٹل انڈر-23 اور تین روزہ کرکٹ کا انعقاد ممکن بنانے کی تجویز بھی دی۔ پی سی بی کے اعلیٰ حکام نے سینیئر کرکٹرز کو اس حوالے سے جلد جواب دینے کی یقین دہانی کروائی ہے۔