Recently Finished
Live Cricket
Upcoming Matches
No live scores available
View All Matches

شرجیل خان کے مداحوں کے لیے خوشخبری یہ ہے کہ جارحانہ بیٹسمین کی کرکٹ میں واپسی کی ایک اور رکاوٹ دور ہو گئی ہے۔ ذرائع کے مطابق پاکستان کرکٹ بورڈ نے شرجیل خان کو کلب کرکٹ کھیلنے کی اجازت دے دی ہے۔
شرجیل خان نے پی سی بی اینٹی کرپشن اینڈ سیکیورٹی یونٹ کے ری ہیب پروگرام میں ٹیسٹ پاس کیا اور اب انہیں مختلف شہروں میں لیکچرز دینا ہوں گے اور دیگر کرکٹرز کو فکسنگ کے راستے سے دور رہنے کی تلقین کرنا ہو گی۔
اس وقت شرجیل خان حیدرآباد میں طویل بیٹنگ اور فٹنس سیشن کر رہے ہیں اور واپسی کی تیاری میں مگن ہیں۔ اب وہ حیدرآباد میں ہی کلب کرکٹ بھی کھیلیں گے۔ پی ایس ایل اسپاٹ فکسنگ کیس میں شرجیل خان پر 5 سال کی پابندی عائد کی گئی تھی۔ شرجیل خان ایک ٹیسٹ، 25 ون ڈے اور 15 ٹی ٹوئنٹی انٹرنیشنل میچوں میں پاکستان کی نمائندگی کر چکے ہیں۔