Recently Finished
Live Cricket
Upcoming Matches
View All Matches

بنگلہ دیش کے خلاف تین ٹی ٹوئنٹی میچوں کی سیریز میں بھارتی ٹیم کے مستقل کپتان ویرات کوہلی کو آرام دیا گیا ہے اور ٹیم کی قیادت اوپننگ بیٹسمین روہت شرما کریں گے۔ ایک طرف شکیب الحسن پر پابندی لگنے کی وجہ سے بنگلہ دیش کی ٹیم کو بڑا دھچکا لگا ہے وہیں دوسری جانب بھارتی ٹیم کے کپتان بھی پریکٹس کے دوران گھٹنے کے قریب گیند لگنے کی وجہ سے تکلیف میں مبتلا ہو گئے۔
دہلی کے ارون جیٹلی اسٹیڈیم میں بھارتی ٹیم کے پریکٹس سیشن کے دوران روہت شرما گھٹنے کے قریب گیند لگنے کے بعد شدید تکلیف میں دکھائی دیئے۔
ٹیم کے فزیوتھراپسٹ بھی روہت شرما کی تکلیف کم نہیں کر سکے اور وہ پریکٹس سیشن کے دوران ڈریسنگ روم میں چلے گئے جس کے بعد انہوں نے دوبارہ پریکٹس نہیں کی۔
دن کے اختتام پر ڈاکٹرز نے روہت شرما کو مکمل فٹ قرار دے دیا۔ وہ اتوار کو پہلے ٹی ٹوئنٹی میچ میں ایکشن میں نظر آئیں گے۔