Recently Finished
Live Cricket
Upcoming Matches
No live scores available
View All Matches

پاکستان ٹیم کے سینیئر بیٹسمین اسد شفیق کا کہنا ہے کہ آسٹریلیا میں پوری تیاری کے ساتھ جا رہے ہیں اور اس مرتبہ بھی اپنی پوری صلاحیتیں بروئے کار لا کر اچھی پرفارمنس کی کوشش کروں گا۔
اسد شفیق نے کہا کہ جن پچز پر ہم ڈومیسٹک کھیل رہے ہیں وہ آسٹریلیا کی پچز سے کافی مختلف ہیں لیکن میں انفرادی طور پر سیمنٹ کی وکٹوں پر پریکٹس کر رہا تھا۔
اسد شفیق نے کہا کہ آسٹریلوی فاسٹ بولرز بہت اچھے ہیں مگر اس کا کوئی خوف نہیں ہے اور اپنی مثبت کرکٹ کھیلوں گا۔ کپتانی کے حوالے سے سینیئر بیٹسمین نے کہا کہ کپتانی کرنا ہر کسی کا خواب ہوتا ہے مگر اظہر علی کو کپتان بنایا گیا ہے، یہ بورڈ کا فیصلہ ہے جو ہم سب کو قبول ہے۔ واضح رہے کہ سرفراز احمد کی موجودگی میں اسد شفیق کو ٹیسٹ کا نائب کپتان بنایا گیا تھا تاہم انہیں کپتانی نہیں دی گئی۔