Recently Finished
Live Cricket
Upcoming Matches
View All Matches

بھارتی براڈکاسٹرز نے بھارتی کرکٹ بورڈ کو درخواست دی ہے کہ بھارت اور بنگلہ دیش کے درمیان ٹیسٹ سیریز میں سابق کپتان مہندر سنگھ دھونی کو کمینٹری کرنے کی اجازت دی جائے۔
بھارتی میڈیا کی رپورٹس کے مطابق بھارتی کرکٹ بورڈ کو اس پر کوئی اعتراض تو نہیں ہے لیکن مفادات کے ٹکراؤ کے باعث دھونی کو اجازت دینے میں بورڈ ہچکچاہٹ کا شکار ہے۔ بھارتی بورڈ نے براڈکاسٹرز کو اب تک حتمی جواب نہیں دیا ہے۔
سینٹرل کنٹریکٹ میں شامل دھونی اجازت ملنے کے بعد ہی کمینٹری کے فرائض انجام دے سکیں گے۔ ایم ایس دھونی نیوزی لینڈ کے خلاف ورلڈکپ سیمی فائنل کے بعد سے ٹیم سے ڈراپ ہیں اور ان کا مستقبل بھی اب تک غیریقینی صورتحال کا شکار ہے۔ بھارت اور بنگلہ دیش کے درمیان ڈے نائٹ ٹیسٹ 22 سے 26 نومبر تک کولکتہ میں کھیلا جائے گا۔