Recently Finished
Live Cricket
Upcoming Matches
View All Matches

میڈیا میں خبریں گردش کر رہی ہیں کہ قومی ٹیم کے سابق آل راؤنڈر محمد حفیظ کو ایف بی آر کی جانب سے اثاثے چھپانے پر شوکاز نوٹس جاری کیا گیا ہے۔ ذرائع کے مطابق ایف بی آر نے محمد حفیظ کے اثاثوں کی معلومات ملنے پر گزشتہ پانچ سال کا آڈٹ شروع کر دیا ہے لیکن آل راؤنڈر نے ان تمام خبروں کو مسترد کردیا ہے۔
محمد حفیظ کا شوکاز نوٹس کے حوالے سے کہنا ہے کہ مجھے اس کا علم نہیں ہے، معلوم نہیں کیوں اس قسم کی بےبنیاد خبریں پھیلائی جا رہی ہیں۔ محمد حفیظ کہتے ہیں کہ وہ ہر سال باقاعدگی سے ٹیکس کی ادائیگی کرتے ہیں۔ میڈیا رپورٹس کے مطابق محمد حفیظ نے 17 کروڑ روپے کے اثاثے چھپائیں ہیں جس پر ان سے جواب طلب کیا گیا ہے۔