Recently Finished
Live Cricket
Upcoming Matches
View All Matches

دورہ آسٹریلیا پر موجود نوجوان فاسٹ بولر نسیم شاہ کی والدہ کا انتقال ہو گیا ہے جس کی اطلاع انہیں کر دی گئی ہے۔ نسیم شاہ آسٹریلیا اے کے خلاف جاری تین روزہ پریکٹس میچ میں قومی ٹیم کی پلئینگ الیون کا حصہ تھے لیکن اپنی والدہ کے انتقال کی خبر کے بعد وہ اس میچ سے دستبردار ہو گئے۔
نسیم شاہ نے لوئر دیر سے تعلق رکھنے والے خاندانی افراد سے مشاورت کی جس کے بعد فیصلہ کیا کہ طویل فلائٹ ہونے کی وجہ سے وہ پاکستان واپس نہیں آئیں گے بلکہ آسٹریلیا میں ہی قیام کریں گے۔
نسیم شاہ کی والدہ کی وفات کی وجہ سے آسٹریلیا اے اور پاکستان کی ٹیمیں دوسرے روز سیاہ پٹیاں باندھ کر میدان میں اتریں۔ نوجوان فاسٹ بولر کو کینگروز کے خلاف پہلا ٹیسٹ کھیلانا ہے یا نہیں اس کا فیصلہ بعد میں کیا جائے گا۔
آسٹریلیا اور پاکستان کے درمیان پہلا ٹیسٹ میچ 21 نومبر سے برسبین میں شروع ہو گا۔