Recently Finished
Live Cricket
Upcoming Matches
No live scores available
View All Matches

بسمہ معروف کو آئندہ سال ہونے والے ٹی ٹوئنٹی ورلڈکپ کپ تک کیلئے قومی ویمن ٹیم کی کپتان مقرر کیا گیا ہے۔ قومی ویمن ٹیم کی کپتان ٹی ٹوئنٹی ورلڈکپ کی ٹاپ چار ٹیموں میں جگہ بنانے کے لیے پرعزم ہیں۔
بسمہ معروف کا کہنا ہے کہ گزشتہ دو سال سے مختصر فارمیٹ میں ٹیم نے زبردست کارکردگی کا مظاہرہ کیا اور کوشش جاری ہے کہ بہترین کارکردگی کا تسلسل جاری رکھیں۔
بسمہ معروف کا کہنا ہے کہ کرکٹ کا بہت شوق تھا لیکن اپنے والد کے کہنے پر کھیلنا شروع کیا اور میں نے کبھی نہیں سوچا تھا کہ ورلڈکپ میں پاکستان کی قیادت کروں گی۔ انہوں نے کہا کہ ورلڈکپ میں ٹیم کی کپتانی کرنا میرے لیے بہت اعزاز کی بات ہے۔
قومی ویمن ٹیم نے بنگلہ دیش کیخلاف سیریز میں 0-3 سے کامیابی حاصل کی تھی۔ بسمہ معروف کا کہنا ہے بنگلہ دیش کے خلاف سیریز میں فتح آغاز تھا، انگلینڈ کے خلاف بھی اچھا پرفارم کرنے کی پوری کوشش کریں گے۔