Recently Finished
Live Cricket
Upcoming Matches
No live scores available
View All Matches

گزشتہ دنوں میڈیا پر خبریں سامنے آئیں کہ سرفراز احمد کو کپتانی سے ہٹانے کے فیصلے میں وزیراعظم عمران خان نے بھی کردار ادا کیا تاہم اب عمران خان نے ہی سرفراز احمد کے لیے نیک خواہشات کا اظہار کردیا ہے۔ وزیراعظم نے حکومتی مصروفیات سے بریک لیتے ہوئے ہفتہ اوراتوارکی چھٹی بنی گالہ میں اہلخانہ کے ساتھ گزاریں۔
عمران خان نے چھٹی کے روز قریبی دوستوں سے گپ شپ کے دوران کرکٹ سے متعلق امورپر تبادلہ خیال کیا۔ انہوں نے کپتانی سے ہٹائے جانے والے سرفراز احمد سے متعلق کہا کہ سرفراز اچھا کرکٹر ہے، اس میں کم بیک کرنے کی صلاحیت موجود ہے، وہ ڈومیسٹک کرکٹ میں پرفارم کرے اور ٹیم میں جگہ حاصل کرے۔
انہوں نے کہا کہ کھلاڑیوں کی پرفارمنس کا اندازہ ٹی ٹوئنٹی سے نہیں بلکہ ون ڈے اور ٹیسٹ میں ہوتا ہے۔ عمران خان نے مصباح الحق پراعتماد کا اظہار کرتے ہوئے کہا کہ مصباح الحق دیانتدار آدمی ہیں، ان میں کھلاڑیوں کی کارکردگی بہتر بنانے کی صلاحیت موجود ہے۔