Recently Finished
Live Cricket
Upcoming Matches
View All Matches

آل راؤنڈر محمد حفیظ کا بابر اعظم کو ٹی ٹوئنٹی ٹیم کا کپتان بنانے پر کہنا ہے کہ بابر نے اس سے قبل کسی بھی بڑی ٹیم کی کپتانی نہیں کی ہے تاہم ان کو ٹی ٹوئنٹی ٹیم کا کپتان بنانا ایک سوالیہ نشان ہے۔ سابق کپتان محمد حفیظ کا کہنا ہے کہ ٹیم کی کپتانی کی وجہ سے بابر اعظم کی بیٹنگ متاثر نہیں ہوگی۔
انہوں نے کہا کہ وہ اپنی بیٹنگ کو لے کر بہت محنت کرتے ہیں، انہیں رنز اسکور کرنے کے تمام گُن معلوم ہیں اور انہوں نے ہر کنڈیشنز میں اسکور کیا ہوا ہے۔
محمد حفیظ کہتے ہیں کہ بابر اعظم نے ایک دائرہ بنایا ہوا ہے جس میں رہ کر وہ بیٹنگ کرتے ہیں۔
محمد حفیظ نے مزید کہا کہ ابھی بابر اعظم کو خود کو مزید بہتر کرنا ہے، اپنے دائرے سے باہر نکل کر پرفارم کرنا ہوگا جس طرح کوہلی اور ولیمسن جیسے بیٹسمین کرتے ہیں۔
انہوں نے کہا کہ بابر اعظم کو اب اگر کپتان بنا دیا گیا ہے تو انہیں وقت دینا چاہیے، پانچ سے چھ ماہ میں نتائج کی توقع رکھنا بیوقوفی ہوگی۔