Recently Finished
Live Cricket
Upcoming Matches
No live scores available
View All Matches

سینٹرل پنجاب اور سندھ کی ٹیموں کے درمیان قائد اعظم ٹرافی کے آٹھویں راؤنڈ کا میچ نیشنل اسٹیڈیم کراچی میں کھیلا جا رہا ہے۔ سینٹرل پنجاب کی ٹیم پہلی اننگز میں 246 رنز بنا کر آؤٹ ہوئی جس میں کامران اکمل کے 59، عثمان صلاح الدین کے 50، احمد شہزاد کے 48 اور محمد سعد کے 31 رنز شامل تھے۔
کامران اکمل نے 59 رنز کی بدولت فرسٹ کلاس کرکٹ میں اپنے 13 ہزار رنز مکمل کر لیے ہیں۔ پہلے روز کھیل کے اختتام کے بعد کامران اکمل پریس کانفرنس کرنے آئے تو انھوں نے کہا کہ 13 ہزار رنز مکمل ہونے پر اللہ کا شکر ادا کرتا ہوں۔
کامران اکمل نے کہا کہ میں سنچری کے لیے نہیں کھیل رہا تھا، جب بھی کھیلتا ہوں ٹیم کے لیے کھیلتا ہوں۔ وکٹ کیپر بیٹسمین نے کہا کہ اس پچ پر رنز آسانی سے نہیں بن رہے تھے لیکن میں نے اپنی نیچرل گیم کھیلی جو ٹیم کے لیے فائدہ مند ثابت ہوئی۔