Recently Finished
Live Cricket
Upcoming Matches
No live scores available
View All Matches

پی سی بی کی جانب سے ایک ویڈیو جاری کی گئی ہے جس میں پاکستانی کرکٹرز سے سوال کیا گیا کہ اگر انھیں کسی ایک پلیئر کے ساتھ بیٹنگ کرنا ہو تو وہ کون سا کھلاڑی ہو گا؟ اظہر علی نے گفتگو کرتے ہوئے کہا کہ کافی پلیئرز ہیں مگر میں انضمام الحق کو دیکھتے ہوئے بڑا ہوا، اس لیے خواہش ہے کہ ان کے ساتھ بیٹنگ کرتا۔
اظہر علی نے کہا کہ یونس خان اور مصباح الحق کے ساتھ بھی بیٹنگ کو بہت انجوائے کیا۔ شان مسعود نے کہا کہ انھوں نے سعید انور کی وجہ سے ہی کرکٹ دیکھنا شروع کی ہے اور کافی مرتبہ ایسا ہوتا کہ سعید انور آؤٹ ہوجاتے تو ٹی وی ہی بند کردیا کرتے تھے، وہ ضرور ان کے ساتھ بیٹنگ کرنا پسند کرتے۔
اسد شفیق نے کہا کہ محمد یوسف ان کے آئیڈل ہیں، میری یہ خواہش ہے کہ ٹیسٹ میچ میں ان کے ساتھ بیٹنگ کرتا کیونکہ ون ڈے میچز ان کے ساتھ کھیل چکا ہوں۔ یاسر شاہ نے ذوالفقار بابر کو اپنے پارٹنر کے طور پر چنا۔