Recently Finished
Live Cricket
Upcoming Matches
No live scores available
View All Matches

آئی سی سی ٹیسٹ رینکنگ کے نمبرون بیٹسمین اسٹیو اسمتھ کو آؤٹ کرنا دنیا کے کسی بھی بولر کیلئے کسی چیلنج سے کم نہیں اور اب یہی چیلنج پاکستان کے بولرز کو بھی درپیش ہو گا مگر ہیڈکوچ مصباح الحق نے ٹیسٹ سیریز میں اسٹیو اسمتھ کو آؤٹ کرنے کا پلان بنا لیا ہے۔
برسبین میں میڈیا سے گفتگو کرتے ہوئے مصباح الحق نے کہا کہ اسٹیو اسمتھ ایک ورلڈکلاس بیٹسمین ہیں لیکن ہر بیٹسمین کی کوئی کمزوری ہوتی ہے، اگر ہمارے بولرز نے پلان کے تحت مستقبل مزاجی کے ساتھ ان پر اٹیک کیا تو اسٹیو اسمتھ کو قابو کیا جا سکتا ہے۔
انھوں نے کہا کہ آف اسٹمپ سے باہر باؤنسرز کروا کر اسمتھ کو آوٹ کیا جا سکتا ہے۔ ہیڈکوچ نے کہا کہ اسمتھ اچھی فارم میں ہے لیکن ہمارے بولرز بھی اچھی بولنگ کر رہے ہیں، اسمتھ اور پاکستانی بولرز کے درمیان اچھا مقابلہ ہو گا۔