Recently Finished
Live Cricket
Upcoming Matches
View All Matches

پاکستان سپر لیگ کا جادو سر چڑھ کر بول رہا ہے اور اس میں کھیلنے کی خواہش کا اظہار کئی اسٹار کھلاڑی بھی کر چکے ہیں۔ ساؤتھ افریقہ کے مایہ ناز سابق کرکٹر ہاشم آملہ نے بھی پی ایس ایل کھیلنے میں دلچسپی ظاہر کی ہے۔ ہاشم آملہ نے اپنے ایک انٹرویو میں کہا کہ پی ایس ایل کے بارے میں بہت کچھ سن رکھا ہے اگر منتخب ہوا تو پاکستان ضرور کھیلنے آؤں گا۔
انہوں نے کہا کہ جن کھلاڑیوں نے بھی پی ایس ایل میں شرکت کی ہے، میری ان سے بات ہوئی ہے وہ پی ایس ایل کو شاندار قرار دیتے ہیں۔ ہاشم آملہ نے مزید کہا کہ 2017 میں دورہ پاکستان اچھا تھا، وقت اچھا گزرا، لوگوں نے شاندار میزبانی بھی کی، اب بھی موقع ملا تو ضرور پاکستان آؤں گا۔
ہاشم آملہ نے 2017 میں فاف ڈوپلیسی کی قیادت میں ورلڈ الیون کے ساتھ پاکستان کا دورہ کیا تھا اور انہوں نے لاہور میں تین میچز کھیلے۔ واضح رہے کہ رواں سال ورلڈکپ کے بعد کرکٹ سے ریٹائرمنٹ لینے کے بعد ہاشم آملہ کا فوکس لیگ کرکٹ پر ہے۔