Recently Finished
Live Cricket
Upcoming Matches
No live scores available
View All Matches

پاکستان میں انٹرنیشنل کرکٹ کے دورازے آہستہ آہستہ مکمل طور پر کھل رہے ہیں لیکن ہمسایہ ملک بھارت کو پاکستان میں انٹرنیشنل کرکٹ کی بحالی ہضم نہیں ہو رہی۔ گزشتہ روز ایک بھارتی ویب سائٹ نے خبر لگائی کہ بنگلہ دیش کرکٹ بورڈ (بی سی بی) اگلے سال مکمل دورہ پاکستان کے لیے راضی نہیں ہے۔
بھارتی ویب سائٹ نے بی سی بی کے ترجمان کا حوالہ دیتے ہوئے لکھا کہ کھلاڑی اور کوچنگ اسٹاف مختصر دورے کے لیے راضی ہیں جس میں ٹی ٹوئنٹی سیریز کھیلی جا سکتی ہے لیکن تین ہفتوں کے طویل دورہ پاکستان کے لیے کوئی بھی رضامند نہیں ہے۔
پاکستان کرکٹ بورڈ (پی سی بی) کے ترجمان نے اس خبر پر ردعمل دیتے ہوئے کہا ہے کہ بی سی بی کی سیکیورٹی ٹیم پاکستان میں سیکیورٹی انتظامات سے مکمل مطمئن تھی اسی لیے ان کی ویمن اور جونیئر ٹیموں نے پاکستان آ کر سیریز کھیلیں۔
پی سی بی کے ترجمان نے مزید کہا کہ بنگلہ دیش کی سینیئر ٹیم شیڈول کے مطابق پاکستان کا دورہ کرے گی۔ یاد رہے اگلے سال تین ٹی ٹوئنٹی اور دو ٹیسٹ میچوں کی سیریز کے لیے پاکستان نے بنگلہ دیش کی میزبانی کرنی ہے۔