Recently Finished
Live Cricket
Upcoming Matches
View All Matches

سابق بھارتی کپتان مہندر سنگھ دھونی ورلڈکپ کے بعد سے بھارتی ٹیم سے دور ہیں اور ان کی خاموشی کے باعث ان کا مستقبل بھی غیریقینی صورتحال سے دوچار ہے۔ بھارتی ٹیم کے ہیڈکوچ روی شاستری کا دھونی سے متعلق بیان سامنے آ گیا ہے۔
روی شاستری کا کہنا ہے ان کی ٹیم میں واپسی سے متعلق صورتحال اسی وقت واضح ہو گی جب وہ کھیلنا شروع کریں گے، وہ آئی پی ایل کھیلیں تو پھر ہی اس بارے میں کوئی جواب دیا جا سکتا ہے۔
روی شاستری نے میڈیا سے اپیل کی کہ وہ دھونی کے مستقبل سے متعلق پیشگوئی سے گریز کریں۔ روی شاستری نے کہا کہ اس آئی پی ایل سیزن کے بعد آئندہ سال ہونے والے ٹی ٹوئنٹی ورلڈکپ کی ابتدائی ٹیم فائنل کر لیں گے، ہمارا ہدف ایونٹ جیتنا ہے اور اس کے لیے جتنی اچھی ٹیم ہو سکتی ہے منتخب کریں گے۔