Recently Finished
Live Cricket
Upcoming Matches
No live scores available
View All Matches

سدرن پنجاب کے خلاف میچ ڈرا ہونے کے بعد سندھ کی ٹیم قائد اعظم ٹرافی کے فائنل کی دوڑ سے باہر ہو گئی ہے۔ سرفراز الیون کو آخری دو میچز میں لازمی فتح درکار تھی تاہم سدرن پنجاب کے خلاف سندھ کو جیت نہیں مل سکی۔
نیشنل اسٹیڈیم میں 31 رنز کی برتری سے دوسری اننگز کا آغاز کرنے والی سدرن پنجاب کی ٹیم نے پانچ وکٹوں کے نقصان پر 236 رنز بنائے تھے کہ دونوں کپتانوں کی باہمی رضامندی سے میچ ختم کر دیا گیا۔
اس سے قبل سدرن پنجاب نے میچ کے آخری روز اپنی دوسری اننگز کا آغاز کیا تو اس کے ابتدائی تین کھلاڑی محض 47 رنز پر پویلین واپس لوٹ چکے تھے جس کے بعد عبدالرحمٰن مزمل اور صہیب مقصود کے درمیان 138 رنز کی شراکت قائم ہوئی۔
عبدالرحمٰن 103 رنز بنا کر ناٹ آؤٹ رہے جبکہ صہیب 76 رنزبنا کر آؤٹ ہوئے۔ سندھ کے انور علی نے میچ میں 7 وکٹیں حاصل کیں۔ پہلی اننگز میں سدرن پنجاب کے 517 رنز کے جواب میں سندھ کی ٹیم 486 رنز بنا کر آؤٹ ہو گئی تھی۔