مصباح الحق کو ایک اور ذمہ داری دے دی گئی

اسلام آباد یونائیٹڈ کی جانب سے گزشتہ روز پی ایس ایل سیزن فائیو کیلئے ٹیم کے کوچز کا اعلان کیا گیا یے، پاکستان کرکٹ ٹیم کے ہیڈ کوچ مصباح الحق پاکستان سپر لیگ سیزن فائیو میں اسلام آباد یونائیٹڈ ٹیم کے بھی ہیڈ کوچ کی فرائض انجام دیں گے، سابق مایہ ناز آف اسپنر سعید اجمل اسلام آباد یونائیٹڈ کے اسپن بولنگ کوچ ہونگے جبکہ گزشتہ سیزنز میں بطور بیٹسمین کھیلنے والے لیوک رونکی کو پلیئرز مینٹور اور اسسٹنٹ کوچ مقرر کیا گیا یے،

From players to coaches; the Evolution continues at #ISLU!

▶️ https://t.co/uqskgZz84I#UnitedWeWin #DimaghSe #HBLPSL5 pic.twitter.com/1MnxD23TaS

— Islamabad United (@IsbUnited) December 5, 2019

مصباح الحق کا کہنا ہے کہ اسلام آباد یونائیٹڈ ایک چیمپئن ٹیم ہے اور اس ٹیم کا ہیڈ کوچ بننا بہت بڑی زمہ داری ہے کوشش کروں گا اس زمہ داری کو بہتر انداز میں سر انجام دوں، اسسٹنٹ کوچ لیوک رونکی کہتے ہیں کہ اسلام آباد کی ٹیم ایک فیملی کی طرح ہے میں ٹیم میں ایک نئے رول کیلئے پوری طرح تیار ہوں، لیوک رونکی کہتے ہیں تین مرتبہ پاکستان کا دورہ کر چکا ہوں اور اس مرتبہ پورے سیزن میں پاکستان میں ہونگا انہوں نے مزید کہا اب بس پی ایس ایل فائیو شروع ہونے کا انتظار ہے