Recently Finished
Live Cricket
Upcoming Matches
View All Matches

دس سال کے طویل انتظار کے بعد پاکستان میں ٹیسٹ کرکٹ کا میلہ سجے گا جس پر شائقین کرکٹ کے علاوہ سابق کھلاڑی بھی خوشی سے پھولے نہیں سما رہے اور ان اسٹار کرکٹرز کو راولپنڈی ٹیسٹ کے آغاز کا انتظار ہے۔ اس حوالے سے قومی کرکٹ ٹیم کے سابق کپتان رمیز راجہ نے کہا کہ دس سال بعد پاکستان میں ٹیسٹ کرکٹ کی واپسی پر بہت پرجوش ہوں۔
سابق کرکٹر بازید خان کا کہنا تھا کہ یقین نہیں آ رہا بیس منٹ کی ڈرائیو پر ٹیسٹ میچ کھیلا جا رہا ہے اور زیادہ خوشی کی بات یہ ہے کہ جس کے ساتھ میچ کھیلا جا رہا ہے وہ ٹیم سری لنکا کی ہے۔
سری لنکا کے سابق کھلاڑی رسل آرنلڈ نے کہا کہ پاکستان کا شمار میرے پسندیدہ ممالک میں ہوتا ہے، پاکستان میں کرکٹ سے محبت کرنے والی عوام بستی ہے اور یہاں ٹیسٹ کرکٹ کی واپسی پر میں بہت پرجوش ہوں۔