Recently Finished
Live Cricket
Upcoming Matches
View All Matches

مشہور ایکسنٹ بینڈ کے بانی رکن ایڈرین سینا نے سماجی رابطے کی ویب سائٹ فیس بُک پر ایک تصویر اپلوڈ کی ہے جس میں ان کے ساتھ پاکستان سپر لیگ (پی ایس ایل) کی فرنچائز لاہور قلندرز کے مالک فواد رانا کو دیکھا جا سکتا ہے۔
ایڈرین سینا نے اس تصویر کو پوسٹ کرتے ہوئے کہا کہ میں پاکستان کے ایک بہترین گلوکار سے آپ کا تعارف کرواتا ہوں اور وہ فواد نعیم رانا ہیں۔ انہوں نے لکھا کہ بہت جلد کچھ آ رہا ہے جس میں ہم دونوں اکٹھے ہوں گے۔
پاکستانی سوشل میڈیا صارفین نے ایڈرین سینا کی اس پوسٹ پر تکے لگانا شروع کر دیے ہیں۔ سوشل میڈیا صارفین کے مطابق پی ایس ایل کے اگلے ایڈیشن کے لیے لاہور قلندرز کا گانا ایڈرین سینا اور فواد رانا نے گایا ہے۔ کچھ صارفین نے لکھا کہ آپ پی ایس ایل فائیو کی افتتاحی تقریب میں پرفارم کریں گے۔