Recently Finished
Live Cricket
Upcoming Matches
View All Matches

پاکستان ٹیم کے سرفہرست بیٹسمین بابر اعظم ٹی ٹوئنٹی اور ون ڈے کے بعد ٹیسٹ کرکٹ میں بھی شاندار پرفارمنس کا مظاہرہ کر رہے ہیں۔ انھوں نے راولپنڈی ٹیسٹ میں شاندار سنچری اسکور کی۔
میچ کے بعد رمیز راجہ کو انٹرویو دیتے ہوئے بابر اعظم نے کہا کہ میں ابتداء میں ٹیسٹ کرکٹ میں مکمل ناکام ہو رہا تھا پھر میں نے خود کی حوصلہ افزائی کی کہ اگر ون ڈے اور ٹی ٹوئنٹی میں پرفارم کر سکتا ہوں تو ٹیسٹ میں بھی کر سکتا ہوں اس لیے میں نے پہلے سے زیادہ محنت کی۔
بابر اعظم ٹیسٹ کرکٹ میں تین نمبر سے چھ نمبر تک بیٹنگ کر چکے ہیں۔ رمیز راجہ نے تیسرے نمبر پر بیٹنگ کرنے سے متعلق سوال کیا تو بابر اعظم نے کہا کہ وہ اس نمبر بیٹنگ نہیں کرنا چاہتے، چوتھا نمبر ہی ان کے لیے ٹھیک ہے۔
اعداد و شمار کے مطابق بابر اعظم ٹیسٹ کرکٹ میں نمبر چار پر سب سے زیادہ کامیاب ہوئے ہیں۔ انہوں نے چوتھے نمبر پر کھیلتے ہوئے 61 اور تیسرے نمبر پر صرف 23 کی اوسط سے رنز اسکور کیے ہیں۔