Recently Finished
Live Cricket
Upcoming Matches
View All Matches

رواں ال کرکٹ ساؤتھ افریقہ نے ٹیم کی ناقص کارکردگی کو مدنظر رکھتے ہوئے سابق کرکٹرز کو اہم عہدوں پر فائز کرنے کا فیصلہ کیا جس کا سلسلہ گریم اسمتھ کی تعیناتی سے شروع ہوا۔ سابق کپتان کو ڈائریکٹر آف کرکٹ مقرر کیا گیا جنہوں نے سابق وکٹ کیپر بیٹسمین مارک باؤچر کو ٹیم کے ہیڈکوچ کا عہدہ دیا۔
مایہ ناز سابق آل راؤنڈر جیکس کیلس کو ٹیم کا بیٹنگ کنسلٹنٹ مقرر کر دیا گیا ہے۔ وہ انگلینڈ کے خلاف سیریز سے شروع ہونے والے ساؤتھ افریقہ کے ہوم کرکٹ سیزن کے اختتام تک یہ ذمہ داری نبھائیں گے۔
ان کے علاوہ سابق فاسٹ باؤلر چارل لنگیویلٹ کو بھی کوچنگ اسٹاف میں شامل کر لیا گیا ہے۔ چارل لنگیویلٹ کو بطور باؤلنگ کوچ ٹیم مینجنٹ میں منتخب کیا گیا ہے۔ یاد رہے ساؤتھ افریقہ اور انگلینڈ کے درمیان پہلا ٹیسٹ میچ 26 دسمبر سے شروع ہو گا۔