Recently Finished
Live Cricket
Upcoming Matches
No live scores available
View All Matches

آسٹریلیا میں جاری بگ بیش لیگ میں پاکستانی بولر حارث رؤف نے اپنی شاندار فارم سے دھوم سے دھوم مچا کر رکھ دی تھی مگر حارث رؤف کو اس وقت شدید دھچکا لگا جب میلبرن اسٹارز نے ڈیل اسٹین کی واپسی کے بعد حارث رؤف کو قربانی کا بکرا بنا کر ٹیم سے باہر کر دیا جس پر لیجنڈری فاسٹ بولر ڈیل اسٹین بھی بول پڑے۔
ڈیل اسٹین نے حارث رؤف سے ہمدردی کا اظہار کرتے ہوئے کہا کہ حارث رؤف زبردست فارم میں ہیں اور ان کو ٹیم سے باہر کرنے پر وہ بےحد افسردہ محسوس کر رہے ہیں۔ ساؤتھ افریقی بولر نے مزید کہا کہ حارث رؤف ٹیم کا حصہ تو نہیں مگر انہیں یہاں بہت کچھ سیکھنے کو بھی ملے گا۔
ڈیل اسٹین کا کہنا ہے کہ لوگوں نے مجھ سے بگ بیش لیگ میں بڑی امیدیں وابستہ کر رکھی ہیں اور میں ان کی امیدوں پر پورا اترنے کی بھرپور کوشش کروں گا۔
واضح رہے کہ بگ بیش لیگ میں میلبرن اسٹارز کی نمائندگی کرنے والے حارث رؤف نے صرف دو میچوں میں ہی سات کھلاڑیوں کو پویلین کی راہ دکھائی جس میں ہوبارٹ ہریکینز کے خلاف ان کی پانچ وکٹیں بھی شامل ہیں۔