Recently Finished
Live Cricket
Upcoming Matches
No live scores available
View All Matches

ایک میڈیا رپورٹ کے مطابق بھارتی کرکٹ بورڈ نے عمر میں گھپلا کرنے پر دہلی ٹیم کے نوجوان بیٹسمین منجوت کالرا پر دو سال کی پابندی عائد کر دی ہے جبکہ مزید پانچ کھلاڑیوں کی عمر کے حوالے سے تحقیقات جاری ہیں۔
منجوت کالرا آئی سی سی انڈر-19 ورلڈکپ 2018 جیتنے والی بھارتی ٹیم کا حصہ تھے اور انھوں نے فائنل میچ میں شاندار سنچری اسکور کر کے بھارت کو انڈر-19 ورلڈکپ کا چوتھا ٹائٹل جتوانے میں اہم کردار ادا کیا تھا۔
منجوت کالرا پر پابندی کی خبر کو سماجی رابطے کی ویب سائٹ ٹویٹر پر ری ٹویٹ کرتے ہوئے سابق آسٹریلوی کرکٹر ڈین جونز نے کہا کہ اس چیز کو اب رک جانا چاہیے۔
ڈین جونز نے انکشاف کیا کہ انڈین پریمیر لیگ (آئی پی ایل) کے ڈرافٹ میں افغانستان کے لیگ اسپنر نور احمد نے رجسٹریش کروائی تو اپنی درخواست پر اپنی عمر 14 سال لکھی۔
انھوں نے کہا کہ اس کھلاڑی کی عمر 18 سال تو ہو سکتی ہے لیکن 14 سال نہیں۔