Recently Finished
Live Cricket
Upcoming Matches
No live scores available
View All Matches

کرکٹ ساؤتھ افریقہ نے اعلان کیا تھا کہ وہ آئی سی سی کی چار روزہ ٹیسٹ میچ کروانے کی تجویز کی مکمل حمایت کرے گا لیکن ٹیم کے کپتان فاف ڈوپلیسی نے اپنے ہی بورڈ کی مخالفت کر دی۔ ساؤتھ افریقی کپتان کا کہنا ہے کہ وہ ٹیسٹ کرکٹ کے بڑے پرستار ہیں اور سمجھتے ہیں کہ اس فارمیٹ کی خوبصورتی پانچ دن پر مشتمل کھیل میں ہی ہے۔
فاف ڈوپلیسی نے کہا کہ چار روزہ ٹیسٹ میچ کی مخالفت ان کی ذاتی رائے ہے، ان کا کرکٹ بورڈ آئی سی سی کی اس تجویز سے متفق ہے اور اس کے پیچھے ضرور کوئی ٹھوس وجہ ہو گی۔
انھوں نے کہا کہ وہ سمجھتے ہیں ٹیسٹ میچ کے زیادہ تر نتائج چوتھے روز ہی آ جاتے ہیں اس لیے میچ کے آخری اور پانچویں دن کھیل ہو نہیں پاتا جس سے پیسے کا ضیاع ہوتا ہے اور کراؤڈ بھی میچ دیکھنے نہیں آتا جس کا جائزہ لینے کی ضرورت ہے۔