Recently Finished
Live Cricket
Upcoming Matches
No live scores available
View All Matches

آسٹریلیا کی کرکٹ ٹیم کے سابق کپتان رکی پونٹنگ نے سماجی رابطے کی ویب سائٹ ٹویٹر پر اپنے چاہنے والوں کے لیے کچھ وقت نکالا اور ان کی جانب سے پوچھے گئے سوالوں کے جواب دیئے۔ وِل مرے نامی ٹویٹر صارف نے رکی پونٹنگ سے دریافت کیا کہ وہ کس باؤلر کو سب سے کم کھیلنا پسند کرتے تھے؟
سابق کرکٹر نے جواب دیتے ہوئے کہا کہ پاکستان کے وسیم اکرم اور ویسٹ انڈیز کے کرٹلے ایمبروز بہترین فاسٹ باؤلرز تھے جن کو میں نے کھیلا۔ انھوں نے مزید کہا کہ اس میں کوئی شک نہیں کہ شعیب اختر تیزترین باؤلر تھے لیکن بھارتی اسپنر ہربھجن سنگھ نے مجھے سب سے زیادہ مرتبہ آؤٹ کیا۔
ایک شخص نے رکی پونٹنگ سے سوال کیا کہ انگلینڈ کا کون سا فاسٹ باؤلر ان کے لیے سب سے مشکل ثابت ہوا؟ تو انھوں نے اینڈریو فلنٹوف کا نام لیا۔