Recently Finished
Live Cricket
Upcoming Matches
No live scores available
View All Matches

تجربہ کار قومی آل راؤنڈر شعیب ملک ٹی ٹوئنٹی کرکٹ میں خوب مہارت رکھتے ہیں اور وہ بنگلہ دیش پریمیر لیگ میں بھی چھائے رہے اسی لیے خیال کیا جا رہا ہے کہ وہ رواں سال ہونے والے ٹی ٹوئنٹی ورلڈکپ کے لیے قومی ٹیم میں واپسی کر لیں گے۔
راجشاہی رائلز کی نمائندگی کرنے والے پاکستانی اسٹار کرکٹر شعیب ملک نے کھلنا ٹائیگرز کے خلاف بی پی ایل کے پہلے کوالیفائر میں شاندار 80 رنز کی اننگز کھیلی جس میں زبردست 10 چوکے اور 4 چھکے شامل تھے۔
اس شاندار کارکردگی کے باوجود شعیب ملک اپنی ٹیم کو فائنل میں پہنچانے میں ناکام رہے۔ کھلنا ٹائیگرز نے پہلے کوالیفائر میچ میں راجشاہی رائلز کو 27 رنز سے شکست دے کر فائنل میں جگہ پکی کر لی۔
بی پی ایل کے اس ایڈیشن میں آل راؤنڈر شعیب ملک نے 13 میچز کھیل کر 432 رنز بنائے جس میں 3 نصف سنچریاں بھی شامل ہیں۔ وہ سب سے زیادہ رنز بنانے والے کھلاڑیوں کی فہرست میں پانچواں نمبر حاصل کرنے میں کامیاب رہے۔
اس سیزن میں شعیب ملک نے 40 چوکے اور 17 چھکے بھی لگائے۔ باؤلنگ کے شعبے میں شعیب ملک کو خاطرخواہ کامیابی نہیں ملی۔ انہوں نے 13 میچز میں صرف 5 کھلاڑیوں کو ہی ہی پویلین واپس بھیجا۔